BGen Lim: Para sa tama, para sa totoo, at para sa makatarungan

Mensahe ni Brig. Gen. Lim na pinabasa kay Gng. Aloi Lim noong Stop Con-Ass rally na ginanap sa  Makati, June 10, 2009:

Ang Hukbong Sandatahan ay instrumento ng taong bayan.
Protektor ito ng mamamayan at ng estado.
Hindi nito obligasyon ang sang-ayunan ang katiwalian ng administrasyon.

Hindi trabaho ng AFP ang mandaya sa eleksyon.
Hindi dapat binibigyan ng premyo ang mga heneral na mahilig magbenta ng serbisyo sa mga politico.

At lalong hindi gawain ng sundalo ang pumatay sa mga aktibista, mga mamamahayag at mga taong walang kasalanan at walang kalaban laban.

Nuong isang linggo, nag issue ako ng statement at sinabi ko duon, “I, therefore, call on every officer and enlisted man to follow your conscience and do what is right – PROTECT THE PEOPLE AND THE STATE!”

Nakikita natin ngayon na habang tumatagal, mas lumalakas ang loob ng administrasyong ito.
Hindi na sila nahihiya.
Hindi na sila nagaalala na lumalabag sila ng batas.
Hindi na rin sila nahuhuli. Hinuhuli na lang ang mga may prinsipyo.

Nang nag-issue ako ng statement nuong isang linggo, nagalit sila. Humahamon ba daw ako ng coup d’etat? Nananawagan ba ako ng barilan?

Mga kababayan, isa lang ang hamon ko sa mga kapatid ko sa Hukbong Sandatahan:
Sundan ang Saligang Batas.
Igalang natin ang Constitution.
Lakasan nila ang loob nila.

Kasama sa paggalang sa Saligang Batas ang paggalang sa mga provisions nito ukol sa term extensions.

You know that at this time,
by this President,
for her reasons…
Constitutional amendments are wrong.

You know what is Right.
You know what is Just.
I trust that you can see the Truth should the times call for protecting the people.